2019.

咁又一年。

2019開咗個靚頭，仲記得一月一號去lky屋企一家贏三家，唸住今年實無死。而家叫我黎個2019大事回顧，發現第一下其實真係唸唔到自己做咗啲咩特別難忘。逐個月逐個月咁recall，先醒起今年都其實有唔少新嘗試 — 跳咗madan、番咗大陸做intern、去咗韓國casecomp、開咗ig shop(雖然無人買過hahaha)、而家寫緊blog，啊，同埋，食咗人生第一鋪十三幺。2019年嘅下半年起開始渾渾噩噩咁，讀書讀唔好，工又搵唔到，立場唔同一番屋企又鬧交，感情煩惱不在話下，仲要連打牌都係咁輸哈哈哈。唔開心嘅回憶真係會被無限放大，所以之前唸起今年做過啲咩都會覺得唔開心，覺得自己好垃圾。但正正係因為我一年300日都過住廢青般嘅生活，如果僅餘個65日稍為有些少意義嘅回憶都被我親手扼殺埋咁我都幾對唔住自己。想講嘅係，幾無意義嘅日子都總佢嘅有意義，2019過得開心嘅唔好忘記，唔開心嘅咪瀟瀟灑灑講句thank you next。老土講句，船到橋頭自然直。

我呢，2019就好似呢篇野咁九唔搭八。細節位有啲模糊，思緒又成日跳黎跳去。係無咩深度㗎喇，但係寫都寫咗、日子都係咁過咗就無野好後悔。After all there’s no looking back嘛。 2020，繼續奢侈地希望世界和平。香港加油，你同我都係，一定要開開心心 :)

#2019